Gwybodaeth am alergenau
Mae ein gwasanaeth Pryd ar Glud yn darparu prydau maethlon a chytbwys sydd wedi’u paratoi i safonau arlwyo cenedlaethol. Rydym yn deall bod gan bawb ffefrynnau ac rydym yn cynnig ystod eang o ddewisiadau bwyd sy’n addas i chi.
Ar adegau prin efallai y bydd angen i ni amnewid eich hoff bryd bwyd, ond byddwn bob amser yn sicrhau ei fod yn addas i chi.
Rydym yn darparu ar gyfer amrywiaeth o ddewisiadau ac anghenion, megis:
- alergeddau ac anoddefiadau,
- meddygol,
- diwylliannol, a
- chrefyddol.
Os oes gennych rai alergeddau neu anoddefiadau, gallwch roi gwybod i ni pan fyddwch yn gwneud cais. Byddwn yn dweud wrth staff y gegin a fydd yn sicrhau bod eich holl brydau bwyd yn addas.
Os ydych eisoes yn gwsmer ac wedi darganfod bod gennych alergedd neu anoddefiad, cysylltwch â ni fel y gallwn ddweud wrth staff y gegin.
Prydau bwyd rhydd rhag
Os oes gennych nifer o alergeddau neu anoddefiadau, rydym yn cynnig amrywiaeth o brydau bwyd rhydd rhag. Mae ein cyflenwr, apetito, yn cymryd gofal mawr i sicrhau nad ydynt yn cynnwys unrhyw un o’r canlynol:
- shibwns,
- garlleg,
- llaeth,
- glwten,
- wyau,
- pysgod,
- cnau coed,
- cnau mwnci,
- molysgiaid,
- cramenogion,
- bysedd y blaidd,
- sylffitau,
- soia,
- sesame,
- mwstard, a
- seleri.
Gallwch ddarganfod mwy am ddiogelwch bwyd a gwybodaeth alergenau apetito ar eu gwefan.
Rydym yn ofalus i gadw’r cynhwysion hyn allan yn llwyr. Fodd bynnag, efallai y bydd adegau pan ganfyddir olion bach iawn trwy ddadansoddi gwyddonol..
Prydau egni uwch
Os oes gennych lai o chwant bwyd neu os ydych wedi sylwi eich bod yn colli pwysau heb geisio, rydym yn argymell prydau egni uwch. Gall y prydau hyn helpu i frwydro yn erbyn effeithiau diffyg maeth gan eu bod yn uchel mewn calorïau a chynnwys protein.
Os ydych chi’n poeni eich bod yn colli pwysau heb esboniad, siaradwch â’ch meddyg teulu.
Prydau wedi’u haddasu o ran gwead
Os oes gennych anawsterau llyncu, gall ein hystod wedi’i haddasu eich helpu i fwynhau amser bwyd eto. Mae’r prydau hyn yn darparu’r maetholion sydd eu hangen arnoch, gyda meintiau dogn a gweadau i weddu i’ch anghenion.
Diogelwch bwyd
Mae pob un o’n prydau bwyd o safon uchel ac yn dod gan ein cyflenwr, apetito. Gallwch ddarganfod mwy am ddiogelwch bwyd a gwybodaeth alergenau apetito ar eu gwefan.
Caiff pob pryd bwyd eu rhewi i sicrhau eu bod yn ffres a’u paratoi i’w danfon yng Nghanolfan Ddydd y Tyllgoed. Rydym yn defnyddio blychau poeth a bagiau wedi’u gwresogi wrth eu danfon i sicrhau eu bod yn barod i chi eu mwynhau.
Rydym yn dilyn prosesau diogelwch bwyd llym, ac mae ein holl staff wedi cael hyfforddiant trylwyr i gynnal nifer o wiriadau diogelwch bwyd. Rydym yn cynnal gwiriadau dyddiol i sicrhau ein bod yn gweithredu i’r safonau uchaf.
