Botwm Galwr Digroeso

Beth yw’r Botwm Galwr Digroeso?

Gall Botwm Galwr Digroeso dawelu’ch meddwl os bydd rhywun annisgwyl yn galw. Gallwch ei ddefnyddio i ofyn am help a gallwch drefnu ei fod yn ymateb i lais drwy’r uned Lifeline. Cofnodir y math hwn o ddigwyddiad yn awtomatig a gellir defnyddio’r cofnod fel tystiolaeth.

Beth yw Manteision y Botwm Galwr Digroeso?

• Gellir ei leoli yn unrhyw le yn yr eiddo a’i ddefnyddio fel pendant statig
• Mae’n dal dŵr a gellir ei osod yn yr ystafell ymolchi
• Mae’r botwm galwr digroeso yn ddisylw ac mae modd agor modiwl llafar i’w ddefnyddio os yw’n berthnasol.

Sut Mae’r Botwm Galwr Digroeso’n Gweithio?

Os daw galwr amheus i’r adeilad, gall y preswylydd bwyso ar y Botwm Galwr Digroeso er mwyn anfon galwad i Dîm Teleofal Caerdydd. Bydd galwad yn mynd i’r Ganolfan Reoli a bydd un o’n swyddogion cymwys iawn yn ateb yr alwad. Byddan nhw’n gwrando’n astud ac yn galw’r Heddlu neu’r Warden Symudol.

Ar gyfer pwy y mae’r botwm?

• Unrhyw un â hanes o fod yn darged gan fasnachwyr twyllodrus
• Unrhyw un sy’n teimlo dan fygythiad gan Fasnachwyr Twyllodrus
• Pobl sy’n byw mewn ardaloedd y mae Masnachwyr Twyllodrus wedi eu targedu o’r blaen
• Unrhyw un a hoffai dawelu ei feddwl ynghylch troseddau wrth ddrws y cartref.