Mr L

Mae Mr L yn ddyn 29 oed sydd â nychdod cyhyrol – cyflwr genetig sy’n gwywo’r cyhyrau a thros amser yn cynyddu lefelau anabledd corfforol.

Yr Her

Mae Mr L yn defnyddio cadair olwyn ac yn cael cymorth gan ofalwyr i fyw o ddydd i ddydd. Mae bob amser wedi mwynhau teithio a gweithio gan fod yn rhoi annibyniaeth iddo. Mae’n gweithio tridiau yr wythnos gydag oedolion sydd angen cymorth i fyw eu bywyd.

Yr Ateb

Ac yntau’n benderfynol o beidio â gadael i’w gyflwr effeithio ar ei annibyniaeth a’i ddiogelwch yn y cartref, dechreuodd Mr L ddefnyddio’r Gwasanaeth Teleofal.

Mae ei becyn yn cynnwys:

• Crogdlws y gall ei bwyso ar unrhyw adeg i alw am help o unrhyw fan yn ei gartref neu ardd.
• Synwyryddion mwg i roi gwybod i’r ganolfan fonitro os bydd tân.
• Uned cartref, sy’n derbyn galwadau wrth grogdlws Mr L, a synwyryddion mwg sy’n cysylltu â’r ganolfan fonitro, fel bod modd galw am help 24 awr y dydd.

Y Canlyniad

I Mr L, mae Teleofal yn lleihau’r risgiau sy’n gysylltiedig â byw’n annibynnol ac yn rhoi tawelwch meddwl iddo.

Er enghraifft, ar un achlysur, roedd Mr L wedi colli allweddi’r tŷ ac o ganlyniad roedd wedi’i gloi yn ei gartref ac nid oedd yn gallu cael gafael ar ei ffôn.

Pwysodd Mr L y botwm ar ei uned Teleofal, ac fe wnaeth staff y ganolfan fonitro gysylltu â saer cloeon ar ei ran.